Վրաստանի նախագահ Սալոմե Զուրաբիշվիլին երեքշաբթի օրը հայց է ներկայացրել Սահմանադրական դատարան՝ բողոքելով հոկտեմբերի 26-ին կայացած խորհրդարանական ընտրությունների ժամանակ քվեարկության գաղտնիության և համընդհանուր ընտրական իրավունքի խախտման համար, վրացական ԶԼՄ-ների փոխանցմամբ՝ լրագրողներին հայտնել է պետության ղեկավարի փաստաբան Էկա Բեսելիան։
«Այս հայցը ներառում է սահմանադրական իրավունքների երկու հիմնական խախտում. առաջինը ընդհանրության խախտում է, որը ենթադրում է, որ արտերկրում ապրող մեր համաքաղաքացիները սահմանափակվել են իրենց սահմանադրական իրավունքներով: Երկրորդ կարևոր սկզբունքը քվեարկության գաղտնիության պաշտպանությունն է։
Մեկից ավելի ապացույց կա, որ խախտվել է քվեարկության գաղտնիությունը, ինչը սահմանադրական ստանդարտի խախտում է»,- լրագրողներին ասել է Բեսելիան։
