Հնդկաստանի վարչապետ Նարենդրա Մոդին երկկողմ հանդիպում է ունեցել Ֆրանսիայի նախագահ Էմանուել Մակրոնի հետ Բրազիլիայում ընթացող «Քսանյակի» (G20) գագաթնաժողովի շրջանակներում, որի ընթացքում նրանք քննարկել են պաշտպանության, տիեզերական և քաղաքացիական միջուկային էներգիայի ոլորտներում կապերի զարգացումը։ Այս մասին հայտնել է Հնդկաստանի ԱԳՆ-ը մամուլի հաղորդագրության մեջ։
Գերատեսչության տվյալներով՝ Մոդիի և Մակրոնի հանդիպումը երրորդն էր 2024 թվականից հետո։
«Նրանք բարձր են գնահատել երկկողմ համագործակցության առաջընթացը, այդ թվում՝ ռազմավարական ոլորտներում, ինչպիսիք են պաշտպանությունը, տիեզերքը և քաղաքացիական միջուկային էներգիան, և խոստացել են արագացնել դրա հետագա զարգացումը ռազմավարական ինքնավարության հանդեպ իրենց ընդհանուր հանձնառությունն ամրապնդելու համար»,-ասվում է Հնդկաստանի ԱԳՆ-ում:
Հանդիպման ընթացքում նրանք նաև նշել են «առևտրի, ներդրումային և տեխնոլոգիական կապերի ամրապնդումը, այդ թվում՝ թվային տեխնոլոգիաների և արհեստական ինտելեկտի ոլորտում, ինչպես նաև թվային հանրային ենթակառուցվածքի ոլորտում հնդկա-ֆրանսիական գործընկերությունը»:
«Այս համատեքստում Հնդկաստանի վարչապետը ողջունել է նախագահ Մակրոնի նախաձեռնությունը՝ կազմակերպելու AI Գործողությունների առաջիկա գագաթնաժողովը Ֆրանսիայում», - ասվում է Հարավասիական Հանրապետության ԱԳՆ-ում:
Բացի այդ, Մոդին և Մակրոնը մտքեր են փոխանակել տարածաշրջանային և միջազգային հարցերի, այդ թվում՝ հնդխաղաղօվկիանոսյան տարածաշրջանի վերաբերյալ։
