Հռոմի Ֆրանցիսկոս պապը հանդես է գալիս Գազայի հատվածում տեղի ունեցող իրադարձությունների հետաքննության օգտին՝ պարզելու, թե արդյոք դրանք համապատասխանում են «ցեղասպանություն» սահմանմանը: Այս մասին նա գրել է «Հույսը երբեք չի հիասթափեցնում. Ուխտագնացություն դեպի ավելի լավ աշխարհ» գրքում, որը հաջորդ շաբաթ լույս կտեսնի մի շարք երկրներում Քրիստոնեության հոբելյանական տարվա համար, որը նշվելու է Հռոմի կաթոլիկ եկեղեցու կողմից 2025 թվականին, փոխանցում է la Stampa-ն:
Պոնտիֆիկոսը նշում է պաղեստինյան անկլավում տիրող ծանր հումանիտար իրավիճակը միգրացիայի պատճառների շուրջ քննարկումների համատեքստում։ Նա, մասնավորապես, գրում է հակամարտության գոտիներից փախստականների ընդունելության մասին. «Ինչպես ասում են որոշ փորձագետներ, այն, ինչ կատարվում է Գազայում, ունի ցեղասպանության նշաններ, անհրաժեշտ է ուշադիր ուսումնասիրել, թե արդյոք այս սահմանումը համապատասխանում է իրավաբանների և միջազգային կազմակերպությունների ձևակերպմանը», - գրքից հատվածներ է մեջբերում La Stampa-ն։
