«Россия Сегодня» մեդիա խմբի և RT-ի գլխավոր խմբագիր Մարգարիտա Սիմոնյանը բարձր է գնահատել Ուկրաինային արևմտյան հեռահար զենքով Ռուսաստանին հարվածելու թույլտվության մասին հրապարակումները։ Այս մասին նա գրել է իր Telegram ալիքում։
«Չգիտեմ ինչու, բայց գիտեմ՝ իզուր է»,- գրել է Սիմոնյանը։
Ավելի վաղ, ինչպես հայտնել ենք, Reuters-ը գրել էր, որ ԱՄՆ նախագահ Ջո Բայդենն առաջին անգամ թույլ է տվել Ուկրաինային օգտագործել հեռահար ամերիկյան հրթիռներ Ռուսաստանի տարածքի վրա հարձակումների համար։
Ամերիկյան վարչակազմի աղբյուրները ենթադրում են, որ Ռուսաստանի խորքում առաջին հարվածները, ամենայն հավանականությամբ, կլինեն ATACMS հրթիռների կիրառմամբ:
Նաև, ըստ Le Figaro-ի, Ֆրանսիան և Մեծ Բրիտանիան Ուկրաինային թույլ են տվել հարվածել ռուսական թիրախներին՝ օգտագործելով իրենց հեռահար սպառազինության համակարգերը։
