Ռուսական «Գազպրոմ»-ն Ավստրիային հայտնել է, որ կդադարեցնի գազի մատակարարումները: Ուրբաթ դրա մասին հայտնել է գազի հոսքի մոնիտորինգի հարթակը, ինչը կարող է նշանակել դեպի Եվրոպա՝ ռուսական գազի վերջին մատակարարումների դադարեցում:
Central European gas hub հարթակում հրապարակված ծանուցման մեջ ավստրիական նավթագազային OMV ընկերությունը հայտնել է, որ «Գազպրոմ»-ը տեղեկացրել է, որ ռուսական գազ արտադրողը նոյեմբերի 16-ին 05:00-ից Գրինվիչի ժամանակով բնական գազի մատակարարումները կհասցնի զրոյի:
Ուկրաինայի տարածքով OMV-ին ռուսական գազի մատակարարումները մինչև տարեվերջ դադարեցում են սպառնում՝ «Գազպրոմ»-ի դեմ արբիտրաժային վարույթի պատճառով, ինչի մասին ընկերությունը նախազգուշացրել էր հինգշաբթի։
Ավստրիան այն փոքրաթիվ եվրոպական երկրներից է, որը դեռևս կախված է ռուսական գազից, քանի որ մայրցամաքի մնացած մասը 2022 թվականին Ուկրաինայում պատերազմի սկսվելուց հետո կրճատել է գազի ներմուծումը:
Մատակարարման ծավալը ժամում 7400 մեգավատտ ժամ է, որը համապատասխանում է ամսական մոտավորապես 5 տերավատ ժամի։
Մոսկվայի և Կիևի միջև Ուկրաինայի տարածքով Եվրոպա ռուսական գազի արտահանման պայմանագրի ժամկետը ամեն դեպքում կավարտվի տարեվերջին։ Այս տարանցիկ երթուղին Ուկրաինայի տարածքով Ռուսաստան մատակարարում է հիմնականում Ավստրիայից և Սլովակիայից։
Կիևը բազմիցս հայտարարել է, որ «Գազպրոմ»-ի հետ պայմանագիրը չի երկարաձգելու։
Ավստրիական OMV-ն հայտնել է, որ պատրաստվում է ռուսական գազի հնարավոր դադարեցմանը և դեռևս կարող է գազ մատակարարել իր հաճախորդներին:
Ընկերությունն ունի հուսալի տրանսպորտային հնարավորություններ Գերմանիայից և Իտալիայից Ավստրիա, ինչպես նաև երկարաժամկետ գազամատակարարման պայմանագրեր այլ մատակարարների հետ։ OMV-ն կարող է նաև հեղուկ բնական գազ ստանալ Նիդեռլանդներից։
