Փարիզում պատրաստվում են խստացնել անվտանգությունը՝ հինգշաբթի երեկոյան «Ստադ դե Ֆրանս» մարզադաշտում կայանալիք Ֆրանսիա-Իսրայել ֆուտբոլային խաղից առաջ, հաղորդում են ֆրանսիական լրատվամիջոցները:
Փարիզի ոստիկանության ղեկավարը France Info ռադիոկայանի եթերում ասել է, որ հանդիպումը կապված է «միջազգային իրավիճակի համատեքստում բարձր ռիսկերի հետ»։Միաժամանակ նա ընդգծել է, որ ձեռնարկվելու են բոլոր միջոցները՝ միջոցառման համար «ապահով պայմաններ ապահովելու համար»։Ֆրանսիական լրատվամիջոցների փոխանցմամբ՝ խաղից առաջ պլանավորված է պաղեստինամետ ցույց կազմակերպել, որը կսկսվի տեղական ժամանակով ժամը 18:00-ին:«
Ստադ դե Ֆրանս» մարզադաշտում հանդիպման մեկնարկը նախատեսված է տեղական ժամանակով 21:00-ին:
Անցած շաբաթվա վերջին ֆրանսիական իշխանությունները որոշում են կայացրել ներգրավել անվտանգության 4 հազար աշխատակիցների՝ Ֆրանսիայի և Իսրայելի ֆուտբոլային հանդիպմանը կարգուկանոն ապահովելու համար։
իշխանությունները նման քայլի են դիմել այն բանից հետո, երբ Ամստերդամում Եվրոպա լիգայի ֆուտբոլային խաղից հետո իսրայելցի երկրպագուները հարձակման են ենթարկվել։ Հարձակվողներն ունեցել են պաղեստինյան դրոշներ։
