ԱՄՆ նորընտիր նախագահ Դոնալդ Թրամփը պաշտոնը ստանձնելուց հետո կտրուկ կխստացնի Իրանի դեմ պատժամիջոցները, մասնավորապես՝ նավթարդյունաբերության դեմ։ Այս մասին հայտնում է The Wall Street Journal-ը (WSJ)՝ հղում անելով աղբյուրներին։
«Կարծում եմ՝ դուք կտեսնեք նոր պատժամիջոցներ, որոնք կփորձեն ավելի մեկուսացնել Իրանը թե՛ դիվանագիտորեն, թե՛ ֆինանսական առումով»,-ասել է Սպիտակ տան նախկին պաշտոնյան, որի անունը չի նշվում:
Հրատարակությունը հիշեցրել է, թե ինչպես էր Թրամփն իր առաջին նախագահական ժամկետում դուրս եկել Թեհրանի հետ վեց երկրների համաձայնագրից, որը հայտնի է որպես Գործողությունների համատեղ համապարփակ ծրագիր, որը նպատակ ուներ սահմանափակել Թեհրանի միջուկային ծրագիրը՝ տնտեսական պատժամիջոցների չեղարկման դիմաց։
Ըստ հրապարակման՝ այդ ժամանակահատվածում Թրամփը հետապնդում էր Իրանի վրա «առավելագույն ճնշում գործադրելու» ռազմավարություն՝ հուսալով, որ վերջինս կհրաժարվի միջուկային զենքի իր նկրտումներից, կդադարեցնի ֆինանսավորել և վարժեցնել այն խմբերին, որոնք Միացյալ Նահանգները համարում է ահաբեկիչներ, և կբարելավի մարդու իրավունքների վիճակը:
Սպիտակ տան թերթի աղբյուրները կարծում են, որ Թրամփը կշարունակի իր քաղաքականությունը Իրանի նկատմամբ։
