Թուրքիայի ազգային պաշտպանության նախարար Յաշար Գյուլերը կարծում է, որ ԱՄՆ նորընտիր նախագահ Դոնալդ Թրամփը, պաշտոնը ստանձնելուց հետո, կարող է սկսել ամերիկյան զորքերի դուրսբերումը Սիրիայից։ Այս մասին նա հայտարարել է TV100-ի եթերում։
«Թրամփն իր նախորդ նախագահական ժամկետի ընթացքում ցուցումներ է տվել՝ դուրս բերելու ամերիկացի զինվորներին նախընտրական իրադարձությունների ֆոնին, և ես կարծում եմ, որ այժմ նա մեծապես կկենտրոնանա այդ թեմայի վրա, հավատացեք, որ նա կարող է դուրս բերել ամերիկացի զինվորներին Սիրիայից և տարածաշրջանից»,- ասել է Գյուլերը։
Պատասխանելով F-16 կործանիչների գնման և F-35 խնդրի շուրջ Թրամփի վարչակազմի հետ համագործակցության հեռանկարների մասին հարցին՝ Գյուլերն ասել է, որ այս պահին «ամերիկյան գործընկերների հետ հարաբերությունները շատ դրական են, և հետընթաց չի լինի»:
«Մենք ցանկանում ենք գնել 40 F-16 ինքնաթիռ, ինչպես նաև գնել լրացուցիչ 40 Eurofighter Typhoon ինքնաթիռ, որին Գերմանիան երկար ժամանակ դիմակայել է: Բայց, ի վերջո, ՆԱՏՕ-ի մեր բարեկամները՝ Անգլիան, Իտալիան, Իսպանիան և Գերմանիան, դրական ներդրում ունեցան այդ հարցում»,- ասել է նա։
