Գերմանիայի սոցիալ-դեմոկրատական կուսակցության (SPD) պատգամավորները ընդդիմության հետ պայմանավորվել են փետրվարի 23-ին Բունդեսթագի (Գերմանիայի խորհրդարան) արտահերթ ընտրություններ անցկացնելու շուրջ։ Այս մասին հայտնում է Bloomberg-ը՝ վկայակոչելով բանակցություններին ծանոթ աղբյուրներին։
Դաշնային ընտրությունները, որոնք ի սկզբանե նախատեսված էին սեպտեմբերի 28-ին, այժմ սպասվում է, որ տեղի կունենան փետրվարի 23-ին, ասել են պաշտոնյաները, ովքեր խնդրել են չհրապարակել իրենց ինքնությունը:
Գործակալությունը գրում է, որ, ամենայն հավանականությամբ, արդեն դեկտեմբերի առաջին կեսին կանցլեր Օլաֆ Շոլցը կառավարությանը վստահության քվե կներկայացնի խորհրդարանի ստորին պալատին։ Եթե նախարարների կաբինետն այն չստանա, ապա Շոլցը կարող է խնդրել նախագահին ցրել խորհրդարանը, իսկ հետո 60 օրվա ընթացքում պետք է նշանակվեն արտահերթ ընտրություններ։
Նոյեմբերի 7-ին Գերմանիայի նախագահ Ֆրանկ-Վալտեր Շտայնմայերը պաշտոնանկ է արել Գերմանիայի ֆինանսների նախարար Քրիստիան Լինդներին։ Բացի այդ, իրենց պաշտոնները կորցրել են արդարադատության նախարար Մարկո Բուշմանը և կրթության և հետազոտությունների նախարար Բետինա Ստարկ-Վաթցինգերը։
