«Ուժեղ Հայաստան» ընդդիմադիր խմբակցության պատգամավոր Նարեկ Կարապետյանի դեմ քրեական հետապնդման շրջանակում մեղադրական գործն ուղարկվել է դատարան։
Կարապետյանին, ինչպես նաև նրա համախոհ Ալիկ Ալեքսանյանին, մեղադրանք է առաջադրվել հանցավոր խմբավորում ստեղծելու և պետությանը վնաս պատճառելու համար։
Քննչական մարմնի վարկածով՝ Ալեքսանյանը, լինելով «Մեր ձևով» հասարակական կազմակերպության հիմնադիրն ու գործադիր տնօրենը, 2025 թվականի հոկտեմբերից մինչև 2026 թվականի մարտն ընկած ժամանակահատվածում «Տաշիր» հիմնադրամից ստացել է շուրջ 4,4 մլն դոլար և 230 հազար եվրո՝ նվիրատվությունների և փոխառությունների անվան տակ։ Ըստ քննության՝ այդ միջոցները հետագայում օգտագործվել են քաղաքացիներին ընտրակաշառք տալու նպատակով։
Նարեկ Կարապետյանի նկատմամբ քրեական հետապնդումը հարուցվել էր Ալիկ Ալեքսանյանի գործի շրջանակում։Նարեկ Կարապետյանի նկատմամբ կիրառված խափանման միջոցը 1 միլիարդ դրամ գրավն է, ինչպես նաև նրա նկատմամբ գործում է երկրից չհեռանալու արգելք։
