Իրենք անարդար են։ Այս մասին այսօր՝ օգոստոսի 26–ին, դատարանի մոտ լրագրողների հետ զրույցում նշեց ՀՀ նախկին վարչապետ Հովիկ Աբրահամյանը՝ անդրադառնալով նրան, որ դատարանում իր նկատմամբ գույքային հայց է ներկայացվել։
«Եթե այդ հողերը չեն մշակվել նույնիսկ Սովետական Միության տարիներին, հիմա մենք մի մասը մշակել ենք, մի մասը անմշակ մնացած է, չեք հասկանո՞ւմ, որ անհիմն բաներով են զբաղված, օբյեկտիվ չեն»,–ասաց նա։
Հարցին՝ մտավախություն չունի՞, որ իրեն ևս ցանկանում են ունեզրկել, Աբրահամյանն ասաց. «Դուք ուզում եք, մի բանի մասին ինձանից պատասխան կորզել, որ այս հարցերը իմ մոտ դեռ չի առաջացել»։
Նա չցանկացավ քաղաքական գնահատականներ տալ իշխանությունների կողմից նախկին բարձրաստիճան պաշտոնյաներին ունեզրկելու, դատապարտելու մասին հայտարարություններին։
