Իր պաշտոնավարման վերջին օրը Կոլումբիայի հեռացող նախագահ Գուստավո Պետրոն հայտարարել է, որ իր կառավարությունը գործել է ժողովրդի և երկրի շահերից ելնելով և ընդգծել, որ կատարել է իր նախկին խոստումը՝ հարգել ընտրությունների արդյունքները։ «Այստեղ մենք ամեն ինչ արեցինք ժողովրդի համար։ Ազգի համար, որը ոչ այլ ինչ է, քան երկինքը, երկիրը, ծովը և, ամենից առաջ, ժողովուրդը՝ կոլումբիական ժողովուրդը։ Հուսով եմ՝ մեզ կհիշեն։
Ցտեսություն, ազատություն և կյանք», – հայտարարեել է Պետրոն Կասա դե Նարինյո նախագահական պալատում տեղի ունեցած ռազմական պատվո արարողության ժամանակ։ Գուստավո Պետրոն, որը 2022 թվականին դարձավ Կոլումբիայի առաջին ձախակողմյան նախագահը, ավարտեց չորս տարվա ժամկետը, որի ընթացքում նա իրականացրեց լայնածավալ սոցիալական և տնտեսական բարեփոխումներ։
Նրա վարչակազմի ամենանշանակալի նվաճումների շարքում են աշխատանքային բարեփոխումների և կենսաթոշակային համակարգի բարեփոխումների ընդունումը, որոնց վերջնական արդյունքը դեռ պետք է որոշի Սահմանադրական դատարանը: Միևնույն ժամանակ, առողջապահության բարեփոխումները, որը կառավարության հիմնական նախագծերից մեկն է, դեռևս վերջնական խորհրդարանական հաստատում չեն ստացել:
Պետրոյի պաշտոնավարման շրջանը նշանավորվել է նաև երկրի մի քանի շրջաններում անվտանգության իրավիճակի վատթարացմամբ և կառավարության որոշ նախաձեռնություններ Կոնգրեսում առաջ մղելու դժվարություններով։
