Եվրոպական հանձնաժողովի նախագահ Ուրսուլա ֆոն դեր Լայենը X սոցիալական ցանցում հայտնել է, որ Ուկրաինան առաջին անգամ միացել է Եվրոպական միության Քաղաքացիական պաշտպանության մեխանիզմին՝ որպես այլ պետությունների աջակցություն ցուցաբերող երկիր։
Նրա խոսքով՝ 70 ուկրաինացի հրշեջներից բաղկացած խումբն արդեն ուղևորվել է Ֆրանսիա, որտեղ մասնակցելու է լայնամասշտաբ անտառային հրդեհների դեմ պայքարին։
Ֆոն դեր Լայենն ընդգծել է, որ, չնայած Ռուսաստանի դեմ ընթացող պատերազմին, Ուկրաինան շարունակում է օգնել եվրոպական երկրներին՝ մարդկային կյանքեր փրկելու հարցում։
«Սա է եվրոպական համերաշխությունը։ Ամեն օր Ուկրաինան ապացուցում է, որ իր տեղը մեր Միության մեջ է», — հայտարարել է Եվրոհանձնաժողովի ղեկավարը։
