Հնդկաստանի կրթության նախարար Դհարմենդրա Պրադհանը հրաժարական է տվել քննության նյութերի արտահոսքի հետ կապված ուսանողների բողոքի ցույցերի ֆոնին։ «Ես հրաժարական եմ ներկայացրել պատվարժան վարչապետ Նարենդրա Մոդիին՝ կանխելու համար հակազգային ուժերի կողմից Ջանտար Մանտարում (Նյու Դելիի շրջան, որտեղ տեղի են ունենում բողոքի ցույցեր ) և ամբողջ երկրում ստեղծված իրավիճակի շահագործումը, պահպանելու ազգային միասնությունը, ապահովելու, որ իրավական տեխնիկական կողմերը չխոչընդոտեն որևէ հնդիկ ուսանողի ապագային, և ապահովելու համար, որ մեր երեխաները իրենց ժամանակը նվիրեն ուսմանը և կենտրոնանան իրենց կարիերայի կառուցման վրա», - գրել է Պրադհանը իր նամակում։ Նախարարը խոստովանել է, որ 2026 թվականի մայիսի 3-ի քննության ժամանակ «հայտնաբերվել են անկանոնություններ»։
Նա նշել է, որ Հնդկաստանի կառավարությունը անմիջապես արձագանքել է՝ սկսելով հետաքննություն և հայտարարելով վերաքննության ամսաթվի մասին։
«Առաջին իսկ օրվանից ես պատասխանատվություն եմ կրել տեղի ունեցողի համար և չեմ անտեսել այս իրավիճակը։ Ես վճռականորեն տրամադրված էի թույլ չտալ, որ քննական մաֆիան վնասի նույնիսկ մեկ տաղանդավոր ուսանողի հեռանկարներին և կանխելու ուսանողների նկատմամբ ցանկացած անարդարություն», - վստահեցրել է նա։
