Երեկ՝ հուլիսի 19-ին, ողբերգական դեպք է տեղի ունեցել Լոռու մարզում։ Ժամը 17։50-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Սպիտակի բաժնում ահազանգ է ստացվել, որ Շիրակամուտ բնակավայրի ճանապարհի աջակողմյան հատվածում գտնվող գետը քաղաքացի է ընկել։ Այս մասին հայտնում է shamashyan.com-ը:
Պարզվել է, որ քաղաքացին ընկել է նշված տարածքում գտնվող գետալճակը և ջրահեղձ եղել։ Մոտ մեկ ժամ տևած որոնողական աշխատանքներից հետո գետում հայտնաբերվել է ջրահեղձ եղած քաղաքացու մարմինը և դուրս բերել այն։ Տեղում պարզվել է, որ ջրահեղձ եղած քաղաքացին Լոռու մարզի բնակիչ 43-ամյա Վաչագան Հ․-ն է։
Դեպքի հետ կապված մանրամասներ ճշտելու համար Auroranews-ը կապ հաստատեց ՔԿ, որտեղից մեզ ասացին. «Շիրակամուտ բնակավայրում տեղի ունեցած դեպքի առթիվ նախաձեռնվել է քրեական վարույթ, կատարվում է նախաքննություն»:
