ԵՄ-ն Ուկրաինայում կառավարության փոփոխությունը համարում է ներքին հարց և պատրաստ է համագործակցել ցանկացած ուկրաինական ղեկավարության հետ, հայտարարել է Եվրոպական դիվանագիտության ղեկավար Կայա Կալլասը ԵՄ արտաքին գործերի նախարարների հանդիպման մեկնարկից առաջ՝ պատասխանելով Ուկրաինայի վարչապետ Յուլիա Սվիրիդենկոյի հրաժարականի մասին հարցին։
Կիրակի օրը Վլադիմիր Զելենսկին հայտարարեց կառավարության կազմը թարմացնելու և Սվիրիդենկոյին փոխարինելու մտադրության մասին։ Սվիրիդենկոն ավելի ուշ հաստատեց իր հրաժարականը։ «Կառավարության ձևավորումը ներքին քաղաքական հարց է։ Մեզ համար, իհարկե, կարևոր է, որ մենք այնտեղ զրուցակիցներ ունենանք, որպեսզի կարողանանք շարունակել մեր աշխատանքը։
Մեզ համար նաև կարևոր է, որ բարեփոխումների աշխատանքները շարունակվեն», - հայտարարել է նա։ Կալլասի խոսքով՝ Բրյուսելը «ցանկանում է տեսնել, որ Ուկրաինան անում է հնարավոր ամեն ինչ բարեփոխումներ իրականացնելու համար»։
