Թուրքիայի նախագահ Ռեջեփ Թայիփ Էրդողանը ժամանեց Անկարայի օդանավակայան՝ դիմավորելու ԱՄՆ նախագահ Դոնալդ Թրամփին, որի ինքնաթիռը մոտ կես ժամ առաջ վայրէջք էր կատարել Թուրքիայի մայրաքաղաքում: Էրդողանը դիմավորեց Թրամփին նախագահական ինքնաթիռի մոտ, որից հետո նրանք զրուցեցին՝ քայլելով դեպի տերմինալի շենքը:
Հանդիպումը հեռարձակվել է գրեթե բոլոր թուրքական հեռուստաալիքներով։ Էրդողանը, սովորաբար, չի գալիս օդանավակայան՝ դիմավորելու օտարերկրյա առաջնորդներին, այլ այս առաջադրանքը հանձնարարում է այլ պաշտոնյաների: Այս անգամ նախապես չի հայտարարվել, որ նա անձամբ կդիմավորի Թրամփին։
Օդանավակայանից Թրամփը և նրա պատվիրակությունը կուղևորվեն Բեշտեփե նախագահական համալիր, որտեղ երկու նախագահները երկկողմ բանակցություններ կանցկացնեն: Այդ երեկոյան Թրամփը կմիանա ՆԱՏՕ-ի առաջնորդներին՝ Անկարայի գագաթնաժողովը մեկնարկելու պաշտոնական ընթրիքի համար:
