Ծաղկաձորի գլխավոր մարզահամալիրում ընթացող թենիսի Դևիսի գավաթի խաղարկության եվրոպական գոտու 4-րդ ենթախմբի 4-րդ տուրում Հայաստանի հավաքականը 3։0 հաշվով հաղթել է Ալբանիայի ընտրանուն:
Հայաստանի թիմի կազմում մենախաղում հաղթանակ է տարել Սամվել Աղայանն ու Դավիթ Պողոսյանը, իսկ զուգախաղում առավելության են հասել Միքայել Ավանեսյանն ու Ավետիք Ղազարյանը։
Հայաստանի թիմն ապահովել է 2-րդ տեղն ու նվաճել 3-րդ ենթախմբի ուղեգիր։ Այսօր կայանալիք վերջին տուրում Հայաստանի թիմը կմրցի առաջատար Մալթայի հավաքականի հետ։
Նախորդ տուրերում Հայաստանի թիմը պարտության էր մատնել Անդորրայի (3:0), Սան Մարինոյի (2:1) և Իսլանդիայի (2։1) հավաքականներին:
