Ռուսաստանը «երբեք վարդագույն ակնոցներով չի վերաբերվել» ԱՄՆ-ի միջնորդական կարողություններին ուկրաինական հակամարտության կարգավորման գործում, սակայն ողջունում է Վաշինգտոնի պատրաստակամությունը շարունակել «բարի ծառայություններ» մատուցել այս ոլորտում։
Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը Չինաստանի մեդիա խմբի (CMG) հետ հարցազրույցում՝ SPIEF-ի շրջանակներում։ «Մենք երբեք վարդագույն ակնոցներ չենք կրել և երբեք չենք չափազանցրել Վաշինգտոնի կարողությունը որևէ բարդ խնդիր մեկընդմիշտ լուծելու հարցում։
Վերջին հաշվով, Վաշինգտոնը հետապնդում է իր ազգային շահերը, և մենք դա հարգում ենք», - ասել է Կրեմլի խոսնակը՝ ընդգծելով, որ Ռուսաստանը նույնպես ունի իր սեփական շահերը։
«Միևնույն ժամանակ, մենք ողջունում ենք Վաշինգտոնի պատրաստակամությունը շարունակել բարի ծառայություններ մատուցել և օգնել Ուկրաինայի շուրջ ստեղծված իրավիճակի կարգավորմանը», - ընդգծել է Պեսկովը։
