Ուկրաինայի նախագահ Վլադիմիր Զելենսկին Եվրոպական քաղաքական համայնքի 8-րդ գագաթնաժողովում իր խոսքի սկզբում խաղաղություն մաղթեց Հայաստանին ու Ադրբեջանին, ապա անդրադարձավ Իրանի դեմ պատերազմին ու դրա հետևանքներին։
«Մենք մաղթում ենք Հայաստանին ու Ադրբեջանին բացառապպես խաղաղություն, որը կլինի կայուն ու երկարատև։ Մաղթում ենք սա երկու պետություններին։ Հարգելի բարեկամներ, մարտահրավերները հստակ են, մենք բոլորս տեսնում ենք, որ Իրանում պատերազմը շարունակվում է դեռ չվճռված լինել, այն կարող է երկարատև լինել ու բարձրացնել կյանքի արժեքը բոլորի համար»,-ասաց Զելենսկին՝ կարևորելով երկրների միջև էներգետիկ համագործակցությունը։
Անդրադառնալով Ուկրաինայի դեմ պատերազմին՝ Զելենսկին նշեց, որ այն շարունակում է մնալ նույնքան կատաղի, որքան նախկինում։
«Այս ամառը լինելու է այն պահը, երբ Պուտինը պետք է որոշի ինչ անել այնուհետ՝ պետք է ընդլայնի՞ պատերազմը, թե՞ անցում կատարի դիվանագիտության։ Մենք պետք է նրան մղենք դեպի դիվանգիտություն»,-ասաց Զելենսկին ու դիմելով գագաթնաժողովի մասնակիցներին՝ հավելեց, Ռուսաստանի նկատմամբ պատժամիջոցների 20-րդ փաթեթը պետք է առաջ մղեն։
