ԱՄՆ-ը Եվրոպայում տեղակայել է մոտ 80,000 զինծառայող, սակայն այս զորախմբի չափն ու կառուցվածքը անընդհատ ճշգրտվում են՝ միջազգային իրավիճակի փոփոխություններին համապատասխան, ՏԱՍՍ-ին հայտնել է ԱՄՆ Եվրոպական հրամանատարության (EUCOM) խոսնակը։
«Ներկայումս մոտ 80,000 ԱՄՆ զինծառայողներ տեղակայված են Եվրոպական գործողությունների թատերաբեմում: Նրանցից մոտ 38,000-ը մշտապես և ռոտացիոն կարգով տեղակայված են Գերմանիայում», – ասել է EUCOM-ի խոսնակը: Նա մանրամասնել է, որ Գերմանիայում այս ուժերը տեղակայված են «այնպիսի վայրերում, ինչպիսիք են Վիսբադենը, Ռեյն-Պֆալցը, Շտուտգարտը և Բավարիան»:
«Այս թիվը անընդհատ տատանվում է, գրեթե ամսական հիմունքներով: Այս տատանումները պայմանավորված են նախատեսված զորավարժություններով և թատերաբեմում ուժերի ռոտացիայով։ Մենք անընդհատ վերանայում և ճշգրտում ենք մեր ուժերի և միջոցների կառուցվածքն ու չափը՝ հանգամանքների փոփոխությանը զուգընթաց՝ որպես լծակ օգտագործելով մշտական և ժամանակավոր ուժերի համադրությունը», – ընդգծել է EUCOM-ի խոսնակը։
