«Իրավունք»-ը գրում է.
«Ինչպես հայտնում է ՀՅԴ-ին մոտ կանգնած աղբյուրը, ներկա պահին քոչարյանական թիմում նախընտրական իրավիճակին բավականին մռայլ են նայում: Հանրային մի քանի շերտեր, որոնց վրա հույսեր էին դրվել, այդ թվում` ՀՀ քաղաքացիություն ունեցող արցախահայերի մի զգալի մասը գոնե ներկա պահին, ըստ շարունակվող ուսումնասիրությունների, ավելի հակված են ձայն տալ Սամվել Կարապետյանին` «չփորձած մածունը փորձած թանից» գերադասելու տարբերակով:
Ավելին, ըստ աղբյուրի, անգամ ՀՅԴի ներքին շրջանակներում չկա վստահություն, որ կարող են ռեալ արդյունքներ ունենալ, եւ կա մտավախություն, որ շատերը, ինչպես արտահայտվեց աղբյուրը. «Կարող են գնալ կողմնակի խաղերի` ձայները չփոշիացնելու համար»:Այսինքն, եթե դեռ մինչ ընտրությունները կային նվազագույն շեմն անցնելու մտավախություններ, հիմա վիճակն ավելի մռայլ է թվում: «Առավել եւս, որ գոնե այս պահին Քոչարյանը դեռ այնպիսի նոր նախընտրական գաղափարներ չի ներկայացրել, որ մարդիկ մտածեն, թե դրա հաշվին հնարավոր է վիճակ փոխել»,– միտքն ավարտեց աղբյուրը»:
