ԱՄՆ նախագահ Դոնալդ Թրամփը հայտարարել է, որ դեռ չի որոշել, թե ով կգլխավորի ամերիկյան պատվիրակությունը, որը կբանակցի իրանցի պաշտոնյաների հետ՝ համաձայնագիրը ստորագրելու համար, և ենթադրել է, որ կարող է ինքը մեկնել։ Այս մասին հաղորդել է Bloomberg-ը՝ հրապարակելով ամերիկացի առաջնորդի հետ հեռախոսազրույցից հատվածներ։
Հարցին, թե արդյոք նա կմեկնի Պակիստան, որտեղ տեղի է ունեցել բանակցությունների վերջին փուլը, Թրամփը պատասխանել է. «Հնարավոր է»։ Անցյալ շաբաթավերջին փոխնախագահ Ջ.Դ. Վենսը քննարկումներ է վարել իրանցի պաշտոնյաների հետ, և Թրամփն ասել է, որ քննարկում է Վենսին բանակցություններին ուղարկելու հնարավորությունը իր փեսա Ջարեդ Քուշների և հատուկ դեսպանորդ Սթիվ Ուիտկոֆի հետ միասին։
