ԱՄՆ պաշտպանության նախարար Փիթ Հեգսեթը հայտարարել է, որ առաջիկա օրերը վճռորոշ են լինելու Իրանի համար՝ ընդգծելով, որ Իրանը սահմանափակ հնարավորություններ ունի ռազմական պատասխան տալու։
Նրա խոսքով՝ Թեհրանը կարող է շարունակել հրթիռային հարվածները, սակայն ԱՄՆ-ն պատրաստ է դրանք խոցել։ Հեգսեթը նաև նշել է, որ Դոնալդ Թրամփի հրապարակած տեսանյութում երևում է, թե ինչպես են ամերիկյան ռմբակոծիչները հարվածում Սպահանի զինապահեստին։
Նա ընդգծել է, որ Վաշինգտոնը սպասում է, որ Իրանը կընտրի բանակցությունների ճանապարհը, հավելելով, որ Թրամփը պատրաստ է համաձայնության, սակայն մերժման դեպքում ԱՄՆ-ն կուժեղացնի ռազմական գործողությունները։ Հեգսեթի գնահատմամբ՝ ամերիկյան հարվածներն արդեն ազդում են իրանական բանակի մարտունակության վրա՝ հանգեցնելով բարոյահոգեբանական անկման և անձնակազմի պակասի։
«Մենք հստակ գիտենք, թե ինչ են անում Ռուսաստանն ու Չինաստանը։ Մենք դրանով զբաղվում ենք»,- ասել է Հեգսեթը։
