Իսլամական հեղափոխության պահապանների կորպուսը (ԻՀՊԿ) պնդում է, որ հարձակվել է Իսրայելի զինվորականներին պատկանող արբանյակային կապի կայանների և Մերձավոր Արևելքում գտնվող մի քանի ամերիկյան ռազմական բազաների վրա։ Զինվորականների հայտարարությունը տարածել է Tasnim լրատվական գործակալությունը։
«Հարվածները թիրախավորել են Իսրայելի զինվորականների կողմից օգտագործվող արբանյակային կապի կայանները, ինչպես նաև Ալ-Ազրաք, Շեյխ Իսա (գտնվում են համապատասխանաբար Հորդանանում և Բահրեյնում՝ խմբ.), Ալի ալ-Սալեմ և Արիֆջան (գտնվում է Քուվեյթում՝ խմբ.) բազաները», – ասվում է հայտարարության մեջ։ ԻՀՊԿ-ն պնդում է, որ իր կողմից արձակված հրթիռներն ու անօդաչու թռչող սարքերը «հաջողությամբ հարվածել են իրենց թիրախներին», սակայն պատճառված վնասի մանրամասները չեն հաղորդվում։
