Իսրայելի վարչապետ Բենիամին Նեթանյահուն, Իրանի հետ հակամարտության ֆոնին, կարող է նշանակել արտահերթ խորհրդարանական ընտրություններ՝ օգտվելու իր աճող աջակցությունից և խուսափելու աշնանային քվեարկությունից, երբ երկիրը կհիշատակի 2023 թվականի հոկտեմբերի 7-ին արմատական պաղեստինյան ՀԱՄԱՍ շարժման կողմից իրականացված հարձակումների զոհերին։
Այս մասին հաղորդում է Al-Monitor-ը՝ հղում անելով Քնեսեթի աղբյուրներին։ «Նեթանյահուն չի ցանկանում ընտրություններ անցկացնել հոկտեմբերի 7-ի 2023 հարձակումների տարելիցին շատ մոտ, որպեսզի ընտրարշավները չկենտրոնանան այս իրադարձությունների հետաքննչական հանձնաժողով ստեղծելու հարցի վրա, ինչը պահանջում են շատ իսրայելցիներ:
Նեթանյահուն, ակնհայտորեն, իր ընտրարշավը կկենտրոնացնի Իրանի հետ պատերազմի ընթացքում ձեռք բերվածի վրա», - նշել է պորտալի աղբյուրներից մեկը: «Ալ-Մոնիտոր»-ի աղբյուրները նշում են, որ Նեթանյահուն, հնարավոր է, փորձում է օգտվել Իրանի վրա մինչ այժմ հասցված հարվածների արդյունքներից՝ վախենալով, որ գործողությունների շարունակությունը կարող է Իսրայելին հետագա հաջողություններ չբերել:
Միևնույն ժամանակ, 2026 թվականի հոկտեմբերին, ինչպես նախատեսված է, ընտրությունների անցկացումը կարող է կրկին բարձրացնել Նեթանյահուի կաբինետի ձախողման հարցը, որը թույլ տվեց հոկտեմբերի 7-ի հարձակումները:
