Իրանի հրթիռային համակարգերը Թեհրանի համար «կարմիր գիծ» են և չեն քննարկվի բանակցությունների ընթացքում, հաղորդել է երկրի պաշտպանության խորհրդի քարտուղար Ալի Շամխանին ուրբաթ օրը:
«Մեր հրթիռային համակարգերը մեր «կարմիր գծերից» մեկն են և չեն քննարկվելու բանակցությունների ժամանակ», – ասել է Շամխանին Քաթարի Al-Jazeera հեռուստաալիքի հետ հարցազրույցում:
Փետրվարի 6-ին Օմանյան մայրաքաղաք Մասկատում տեղի են ունեցել անուղղակի բանակցություններ ԱՄՆ-ի և Իրանի պատվիրակությունների միջև Իրանի միջուկային ծրագրի թեմայով: ԱՄՆ նախագահ Դոնալդ Թրամփը նշել է, որ դրանք լավ են անցել և շարունակվելու են:
Միևնույն ժամանակ, Իրանի արտգործնախարար Աբբաս Արաքչին փետրվարի 8-ին ընդգծել է, որ Իրանը պնդում է ուրանի հարստացման իր իրավունքը, նույնիսկ եթե դա հանգեցնի պատերազմի:
