Նոբելյան խաղաղության մրցանակի տիտղոսը չի կարող փոխանցվել մեկ այլ անձի, հայտնել է Նոբելյան խաղաղության կենտրոնը։
«Մեդալը կարող է փոխանցվել ձեռքից ձեռք, բայց Նոբելյան խաղաղության մրցանակի դափնեկրի կոչումը՝ ոչ», - ասվում է կենտրոնի սոցիալական ցանցերի էջում։
Նրանք ընդգծել են, որ Նոբելյան կոմիտեի կանոնների համաձայն՝ դափնեկրի վերաբերյալ որոշումը վերջնական է և վերանայման ենթակա չէ։
Այսպես է կենտրոնը արձագանքել այն լուրին, որ վենեսուելացի ընդդիմադիր քաղաքական գործիչ Մարիա Կորինա Մաչադոն իր Նոբելյան մեդալը հանձնել է ԱՄՆ նախագահ Դոնալդ Թրամփին։
