Խաղաղության պայմանագրում կա ևս 1-2 ձևակերպում, որոնց շուրջ աշխատանքները կշարունակվեն, այս մասին 2025 թվականի պետական բյուջեի նախագծի քննարկման ժամանակ հայտարարեց ՀՀ արտաքին գործերի նախարար Արարատ Միրզոյանը։
«Ինձ վերջերս ԱԺ-ում մեղադրեցին հաճախ զգուշավոր լավատեսություն հայտնելու մեջ, բայց չեմ կարող չօգտագործել այս բառերը։
Պետք է զգուշավոր լավատեսություն հայտնեմ այն մասին, որ մոտ ապագայում մեզ կհաջողվի համաձայնության գալ այդ մեկ-երկու ձևակերպումների շուրջ, որից հետո արդեն պայմանագիրը պատրաստ կլինի ստորագրման»,- ասաց ԱԳ նախարարը։ Անդրադառնալով Բաքվի կողմից պահանջներին՝ նա նշեց․
«Գաղտնիք չէ, որ ադրբեջանական կողմը նախապայման է առաջարկել այն մասին, որ ՀՀ Սահմանադրությունը պարունակում է տարածքային որոշակի պահանջ իրենց տարածքի նկատմամբ, մենք այս թեզը համարում ենք կատարելապես անհիմն և ունենք արդեն ՍԴ որոշումը, որը արձանագրեց Ալմաաթիի սահմանազատումը համապատասխանում է ՀՀ Սահմանդրությանը:
Սա գալիս է փարատելու բոլոր մտահոգությունները»:
