Անթալիայում անցկացվող ITF W35 մրցաշարում Հայաստանը ներկայացնող Անի Ամիրաղյանը անհատական պայքարում երրորդ հաղթանակն է տարել:
1/16 եզրափակչում հայ թենիսիստուհին 7:6, 4:6, 6։3 հաշվով հաղթանակ է տարել Բրիանա Ժաբոյի (Ռումինիա) նկատմամբ և դուրս եկել 1/8 եզրափակիչ:
Որակավորման փուլի առաջին խաղում Ամիրաղյանը 6։3, 6։1 հաշով հաղթել էր Տիմեո Գրոսին (Սլովակիա), երկրորդ խաղում՝ 6։2, 6։0 հաշվով առավելության էր հասել Սեմրա Ակսուի (Թուրքիա) նկատմամբ։
1/8 եզրափակչում Հայաստանի ներկայացուցիչը կմրցի Կատարինա Զավացկայի (Ուկրաինա) հետ։
