2025-ը պատմական տարի էր մեր երկրի և յուրաքանչյուրիս համար. Վահե Հովհաննիսյան

31.12 20:06 | Կատեգորիա Մտքեր

Ֆինանսների նախարար Վահե Հովհաննիսյանն Ամանորի և Սուրբ Ծննդյան տոների կապակցությամբ շնորհավորական ուղերձ է հղել:

«Սիրելի՛ հայաստանցիներ,

Յուրաքանչյուր տարվա ավարտին բոլորս մի պահ կանգ ենք առնում՝ վերանայելու անցած ճանապարհը, վերհիշելու տարվա ընթացքում մեզ բաժին ընկած ամենահիշարժան, երբեմն մարտահրավերներով լի, բայց միևնույն ժամանակ մեր կյանքի անբաժանելի մասը դարձած պահերը։ Եվ այսօր հայացք գցելով ժամեր անց ավարտվող 2025 թվականին՝ կարող ենք վստահ արձանագրել՝ այն պատմական տարի էր մեր երկրի և յուրաքանչյուրիս համար։

2025 թվականին երկար սպասված խաղաղությունը դարձավ իրականություն։ Իսկ արդեն առաջիկա տարում մեր պարտքն է առանց ջանք խնայելու, ամենօրյա պատասխանատվությամբ և հոգատարությամբ ապահովել դրա հարատևությունն ու ամրապնդումը։

Այս տարվա տնտեսական զարգացումները՝ ձևավորված յուրաքանչյուր հայաստանցու աշխատանքի ու ներդրման շնորհիվ, իսկապես տպավորիչ էին։ Նույնիսկ փոփոխությունների այս ժամանակաշրջանում մենք կարողացանք պահպանել հարկաբյուջետային կայունությունը և հաջորդ տարվա բյուջեի նախագծով պլանավորել անհնարինը՝ միանգամից 1 տոկոսային կետով նվազեցնել բյուջեի դեֆիցիտը և միաժամանակ մեկնարկել ամենակարևոր բարեփոխումներից մեկը՝ առողջության համընդհանուր ապահովագրությունը։

Այս տոնական պահին առաջ նայելով՝ ուզում եմ բոլորիս մաղթել սեր և երջանկություն: Իսկ որպեսզի սիրո համար ստեղծենք տարածք, նախևառաջ պետք է յուրաքանչյուր առանձին պահի կարողանանք հաղթահարել զայրույթը, մեղադրանքը և ատելությունը:

Դե ինչ, սիրելինե՛րս, եկեք այս տոնական օրերն անցկացնենք ջերմ ընտանեկան միջավայրում՝ հանգստանալով և նոր ուժեր կուտակելով, որպեսզի միասին սիրով մուտք գործենք ավելի երջանիկ 2026 թվական։

Շնորհավոր Ամանոր և Սուրբ Ծնունդ»։

Ամենաշատ կարդացվածներ

Արագ շախմատի ԱԱ․ Մագնուս Կարլսենը նվաճեց տիտղոսը

28.12 21:44 | Կատեգորիա Սպորտ

102-րդ ռազմաբազայի դուրսբերման հարց օրակարգում չկա․ ՀՀ ԱԳ նախարար

28.12 22:03 | Կատեգորիա Քաղաքական

Ամանորի գիշերը երկինքը կխոսի. Արայիկ Հարությունյան

28.12 22:30 | Կատեգորիա Հասարակություն

Երևանն ու Բաքուն քննարկում են ուղիղ առևտրի հարցը․ ՀՀ ԱԳ նախարար

28.12 22:44 | Կատեգորիա Քաղաքական

Հրդեհ Աբովյան քաղաքի ապահովագրական ընկերության երկու աշխատասենյակում

29.12 17:34 | Կատեգորիա Պատահարներ

Ինչ տնտեսական աճի մասին, կամ ուժեղ բանակի մասին կարելի է խոսել մի երկրում, որտեղ մարդիկ լուցկիներով են մենակ կարողանում հաշվարկներ անել. Սամվել Մարտիրոսյան

29.12 14:24 | Կատեգորիա Հասարակություն

Ավելի քան 36 ժամ է՝ առանց ընդմիջումների անհետաձգելի աշխատանքներ են իրականացվում Երևանում հրդեհված ենթակայանում

29.12 17:57 | Կատեգորիա Մամուլ

Հայաստանն ու Թուրքիան որոշել են դյուրացնել վիզաների տրամադրման գործընթացը

29.12 18:13 | Կատեգորիա Քաղաքական

ՄԱԿ-ի ԱԽ-ն ընդունել է Գոլանի բարձունքներում խաղաղապահների մանդատի երկարացման շուրջ ՌԴ-ի և ԱՄՆ-ի բանաձևը

30.12 15:20 | Կատեգորիա Համաշխարհային

ՈՒՂԻՂ