Նախագահ Դոնալդ Թրամփի, ուկրաինական պատվիրակության և եվրոպացի առաջնորդների հանդիպումը նախատեսված է հունվարին։ Այս մասին հայտարարել է Վլադիմիր Զելենսկին ԱՄՆ նախագահ Դոնալդ Թրամփի հետ բանակցություններից հետո համատեղ մամուլի ասուլիսում։
«Մենք համաձայնեցինք, որ մեր թիմերը կհանդիպեն առաջիկա շաբաթներին՝ բոլոր հարցերը վերջնականապես քննարկելու համար։ Մենք համաձայնեցինք նախագահ Թրամփի հետ, որ նա մեզ կհյուրընկալի, հնարավոր է՝ Վաշինգտոնում՝ եվրոպացի առաջնորդների և ուկրաինական պատվիրակության հետ հունվարին», – ասել է Զելենսկին։
Զելենսկին ավելի ուշ իր Telegram ալիքում պարզաբանել է, որ Ուկրաինայի և ԱՄՆ ներկայացուցիչների հանդիպումը տեղի կունենա հաջորդ շաբաթ։
«Մենք համաձայնեցինք, որ մեր թիմերը կհանդիպեն հաջորդ շաբաթ», – գրել է նա։
