Ուկրաինայի նախագահ Վլադիմիր Զելենսկին դեկտեմբերի 28-ին կմեկնի Միացյալ Նահանգներ՝ Ուկրաինայում խաղաղության բանակցություններ վարելու համար, հաղորդում է Kyiv Post-ը՝ հղում անելով դիվանագիտական աղբյուրներին։
Նրանց տվյալներով՝ առաջիկա հանդիպումը կարող է տեղի ունենալ ամերիկացի առաջնորդ Դոնալդ Թրամփի՝ Ֆլորիդա նահանգի Մար-ա-Լագո քաղաքում գտնվող նստավայրում, իսկ Կիևի ռեժիմի ղեկավարությունը սկսել է ԱՄՆ այցի նախապատրաստական աշխատանքները։
Ուկրաինայի հարցում ԱՄՆ-Եվրոպա փոխգործակցությանը մասնակցող արևմտյան բարձրաստիճան պաշտոնյան անանուն մնալու պայմանով հրատարակությանը հայտնել է, որ կարգավորման բանակցություններում մանրամասների մակարդակը «ավելի բարձր է, քան նախկինում», սակայն մի շարք կետեր դեռևս մարտահրավեր են մնում։
Դրանք, նրա խոսքով, ներառում են անվտանգության երաշխիքներ, հնարավոր խաղաղության համաձայնագրի իրականացման մոնիթորինգ և «Ռուսաստանի իրավական պարտավորություններ»։
Հինգշաբթի օրը Զելենսկին հայտարարեց, որ զրուցել է ԱՄՆ նախագահի հատուկ դեսպանորդ Սթիվեն Ուիթքոֆի և ամերիկացի առաջնորդի փեսայի՝ ձեռնարկատեր Ջարեդ Քուշների հետ։
