Ալժիրի Ազգային ժողովրդական ժողովը (խորհրդարանը) հաստատել է օրինագիծ, որով Ֆրանսիայի կողմից Ալժիրի տարածքի ավելի քան մեկ դար տևած գաղութացումը ճանաչվում է որպես պետական հանցագործություն, հաղորդում է «Էննահար» թերթը։
Ալժիրի խորհրդարանի անդամները միաձայն քվեարկել են առաջարկվող օրինագծի օգտին: Փաստաթուղթը Ֆրանսիային «իրավականորեն պատասխանատու է համարում Ալժիրում իր գաղութային անցյալի և ալժիրցի ժողովրդին պատճառած ողբերգությունների համար»:
Ազգային ժողովրդական ժողովի կողմից հաստատված օրինագիծը ֆրանսիական գաղութացումը որակում է որպես «պետական հանցագործություն» և նաև պահանջում է Փարիզից «պաշտոնական ներողություն»։
Ֆրանսիացի գաղութարարների հանցագործությունների թվում են, մասնավորապես, դատական հայցերից դուրս մահապատիժները, խոշտանգումները և բռնաբարությունները, ինչպես նաև Ալժիրի տարածքում իրականացված միջուկային փորձարկումները և երկրի բնական պաշարների թալանը։
