ԱԺ-ում 2025 թվականի բյուջեի նախագծի քննարկման ժամանակ ՀՀ ֆինանսների նախարար Վահե Հովհաննիսյանը ներկայացրեց գերատեսչություններին, դատական մարմիններին հատկացվող բյուջեն։ Եվ այսպես՝ Վարչապետի աշխատակազմի 2025 թվականի բյուջեով նախատեսված միջոցները կազմում են 24 միլիարդ 365 միլիոն դրամ, որը 2,5 %-ով ավելի քիչ է 2024-ին հատկացված բյուջեից։
Ընթացիկ ծախսերի համար նախատեսված է 20 միլիարդ դրամ, որը 4 %-ով ավելի քիչ է, քան 2024-ին։Նախագահի աշխատակազմի համար 2025-ի բյուջեով նախատեսված է 1 միլիարդ 658 միլիոն դրամ, որը 6,4 %-ով է քիչ 2024-ի բյուջեից կամ 112 միլիոն դրամով։ Ընթացիկ ծախսերը կկազմեն 1 միլիարդ 617 միլիոն դրամ, կապիտալ ծախսերը՝ 41 միլիոն դրամ։Ազգային ժողովի բյուջեն կկազմի 7 միլիարդ 72 միլիոն դրամ, որը պակաս է 2024-ի բյուջեից 2,6 %-ով կամ 191 միլիոն դրամով։
Ընթացիկ ծախսերը կլինեն 6 միլիարդ 815 միլիոն դրամ, որը 1,2 %-ով ավելի փոքր կլինի, կապիտալ ծախսերը՝ 257 միլիոն դրամ, որը 30 %-ով փոքր կլինի 2024-ից։Սահմանադրական դատարանին 2025-ի բյուջեով կհատկացվի 870 միլիոն դրամ, որը 26 միլիոնով է ավել 2024-ի բյուջեից կամ 3,1 %-ով։
Ընթացիկ ծախսերը՝ 33 միլիոնով ավել կլինեն 2024-ի բյուջեից, իսկ կապիտալ ծախսերը կկազմեն 1,5 միլիոն դրամ։ԲԴԽ-ին և դատարաններին նախագծով նախատեսված է 17 միլիարդ 329 միլիոն դրամ, որը 2024-ի բյուջեից պակաս կլինի 1,8 միլիարդ դրամով կամ 9,6 %-ով։ Ընթացիկ ծախսերը քիչ կլինեն 6,7 %-ով, իսկ կապիտալ ծախսերը քիչ կլինեն 58 %-ով և կկազմեն 458 միլիոն դրամ։ Արդարադատության նախարարությանը նախատեսված է 23,8 միլիարդ դրամ, 624 միլիոնով ավել է 2024-ից։ Ընթացիկ ծախսերը՝ կավելանան 43 միլիոն դրամով, իսկ կապիտալ ծախսերը՝ 1 միլիարդ 42 միլիոն դրամ, որը զգալիորեն ավել է 2024-ի բյուջեից 125 %-ով։
Դատախազությանը կհատկացվի 9 միլիարդ 926 միլիոն դրամ, 127 միլիոն դրամով ավելի պակաս է, քան 2024-ի բյուջեն։ Ընթացիկ ծախսերը՝ 1,8 տոկոսով պակաս են, կապիտալ ծախսեր են նախատեսված, որոնք կկազմեն 49 միլիոն դրամ։Պետական վերահսկողության ծառայությանը կհատկացվի 934 միլիոն դրամ, որը 22 միլիոն դրամով կամ 2,3 %-ով ավելի պակաս է, քան 2024-ի բյուջեն։
Ընթացիկ ծախսերը՝ 36 միլիոնով կնվազեն, փոխարենը կապիտալ ծախսերը կավելանան 3 անգամ և կկազմեն 19 միլիոն դրամ։ Քննչական կոմիտեին 2025-ի թվականի համար հատկացված է 18 միլիարդ 986 միլիոն դրամ, որը 8,7 %-ով կամ 1,5 միլիարդով ավել է 2024 թվականի բյուջեից։ Ընդորում, ընթացիկ ծախսերը ավել կլինեն 4,6 %-ով կամ 796 միլիոն դրամով, կապիտալ ծախսերը ավել կլինեն 732 միլիոն դրամով և կկազմեն 990 միլիոն դրամ։Հակակոռուպցիոն կոմիտեին կհաստկացվի 3 միլիարդ 463 միլիոն դրամ, որը 6,3 %-ով կամ 231 միլիոն դրամով ավելի պակաս կլինի 2024-ի բյուջեից։ Ընթացիկ ծախսերը կկազմեն 3 միլիարդ 428 միլիոն դրամ, որը 2024-ից պակաս կլինի 148 միլիոն դրամով։
Կոռուպցիայի կանխարգելման հանձնաժողովին 2025-ի բյուջեով նախատեսված է 405 միլիոն դրամ, որը պակաս է 2024-ի բյուջեից, այստեղ կապիտալ ծախսեր չկան, միայն ընթացիկ ծախսեր են։Կենտրոնական ընտրական հանձնաժողովի բյուջեն կկազմի 492 միլիոն դրամ, որը 50 %-ով ավելի փոքր է, քան 2024 թվականի բյուջեն։
