«Քելլի» նավթատարը, որը նախորդ շաբաթ լքել էր Վենեսուելան, իր բեռով վերադարձել է Բոլիվարյան Հանրապետության ջրեր, հաղորդում է «Ռոյթերս»-ը՝ հղում անելով Tankertrackers.com ռեսուրսին, որը հետևում է տանկերների տեղաշարժին։
«Պանամայի դրոշի ներքո նավարկող հսկայական Kelly նավթատարը, որը նախորդ շաբաթ նավթով լքել էր Վենեսուելան, վերադարձել է Վենեսուելայի ջրեր՝ ԱՄՆ-ի կողմից ավելի ու ավելի շատ տանկերներ որսալու ֆոնին», - ասվում է գործակալության հայտարարության մեջ՝ հղում անելով աղբյուրին։
«Ռոյթերս»-ը նշում է, որ «Քելլի»-ն, ինչպես նախկինում ԱՄՆ-ի կողմից առգրավված «Սենչուրիս»-ը, Վենեսուելայից դուրս է եկել Բոլիվարյան Հանրապետության նավատորմի ուղեկցությամբ։ Այժմ իր բեռը տեղափոխող տանկերը վերադարձել է Վենեսուելայի ջրեր և գտնվում է Ամուայ նավահանգստի մոտակայքում։
«Նյու Յորք Թայմս»-ը նախկինում հաղորդել էր, որ Վենեսուելան ռազմական ուղեկցություն է մտցրել նավթամթերք տեղափոխող նավերի համար։
