Սիրիայի Հալեպ քաղաքի բնակելի թաղամասերի վրա քրդերի գլխավորած «Սիրիայի դեմոկրատական ուժերի» (ՍԴՈւ) կողմից իրականացված բախումների հետևանքով զոհերի թիվը հասել է 4-ի, այս մասին հայտնում է Syria TV-ն։Հալեպի առողջապահության վարչությանը հայտնել է զոհված չորս քաղաքացիական անձանց անունները՝ հավելելով, որ վիրավորվել է ինը մարդ։Դեկտեմբերի 22-ի երեկոյան Հալեպի Շեյխ Մակսուդ և Աշրաֆիե թաղամասերի մոտակայքում բախումներ են տեղի ունեցել սիրիական բանակի և ՍԴՈւ-ի միջև։
Բախումներին հաջորդել է քրդական ուժերի կողմից բնակելի թաղամասերի հրետակոծությունը, որի արդյունքում քաղաքացիական անձինք են զոհվել։Syria TV-ի լրագրողը նշել է, որ բախումները սկսվել են այն բանից հետո, երբ ՍԴՈւ-ի դիպուկահարը Շեյխ Մակսուդի մոտակայքում թիրախավորել է ներքին անվտանգության ուժերի անցակետը։
Ավելի վաղ Հալեպի նահանգապետ Ազզամ Ղարիբը դեկտեմբերի 23-ը ոչ աշխատանքային է հայտարարել բոլոր պետական և մասնավոր դպրոցներում ու համալսարաններում, ինչպես նաև Հալեպի կենտրոնում գտնվող կառավարական գրասենյակներում։ Նահանգապետը պարզաբանել է, որ որոշումը չի վերաբերում այն կազմակերպություններին, որոնց աշխատանքը պահանջում է քաղաքացիներին բժշկական օգնության և արտակարգ իրավիճակների հետ կապված ծառայությունների տրամադրում։
Ժամեր տևած հրետակոծություններից և բախումներից հետո Հալեպում հարաբերական անդորր է՝ սիրիական բանակի և ՍԴՈւ-ի միջև ձեռք բերված հրադադարից հետո։
