Ատոմային էներգիայի միջազգային գործակալությունը (ԱԷՄԳ) կարծում է, որ Իրանի բարձր հարստացված ուրանի մեծ մասը մնում է երկրում, ՌԻԱ Նովոստիին տված հարցազրույցում ասել է ԱԷՄԳ-ի գլխավոր տնօրեն Ռաֆայել Գրոսսին։
«Իհարկե, մենք ունենք լուրջ տեղեկատվական դեֆիցիտ, և չտարածման տեսանկյունից սա չափազանց բացասական է, քանի որ նույնիսկ եթե այդ օբյեկտները լուրջ վնասվել են, կա հստակ հասկացողություն, որ Իրանի բարձր հարստացված ուրանի մեծ մասը դեռևս գտնվում է երկրում։ Եվ սա չափազանց կարևոր է չտարածման տեսանկյունից», - ասել է նա։
Պենտագոնը նախկինում հայտարարել էր, որ ԱՄՆ ռազմական գործողությունը հանգեցրել է Իրանի միջուկային օբյեկտների լիակատար ոչնչացմանը և այս ոլորտում նրա կարողությունների զգալի նվազմանը։
