Վաշինգտոնը չի պլանավորում Գազայի հատվածի ենթակառուցվածքների վերականգնման ծրագրի համար բյուջեից 60 միլիարդ դոլար տրամադրել դրամաշնորհների և վարկային երաշխիքների տեսքով, ասվում է ԱՄՆ Պետդեպարտամենտի X սոցիալական մեդիա հարթակում տարածված հայտարարության մեջ։
«Սա կեղծ լուր է։ Ծրագրում ոչ մի տեղ չի նշվում, որ ԱՄՆ-ը կվճարի 60 միլիարդ դոլար», - նշվում է տեքստում։ Սակայն Պետդեպարտամենտը չի հերքում պաղեստինյան անկլավը վերականգնելու ծրագրի գոյությունը։
Ավելի վաղ The Wall Street Journal-ը, հղում անելով աղբյուրներին, հայտնել էր, որ ԱՄՆ նախագահի դեսպանորդ Սթիվեն Ուիթքոֆը և ամերիկացի առաջնորդի փեսան՝ ձեռնարկատեր Ջարեդ Քուշները, մշակել են Գազայի հատվածի վերակառուցման առաջարկ։
