Թուրքիայի Ներքին գործերի նախարարությունը թույլատրել է հետաքննություն սկսել Անկարայի քաղաքապետ Մանսուր Յավաշի նկատմամբ։
«Սաբահ» թերթի փոխանցմամբ՝ Յավաշից բացի, հետաքննության կենթարկվեն նաև Անկարայի քաղաքապետարանի խորհրդի 38 անդամներ։ Նրանք մեղադրվում են դատարանի որոշումները չկատարելու և պաշտոնեական լիազորությունները չարաշահելու մեջ, ինչը դժվարություններ է ստեղծել քաղաքացիների համար։
Այս որոշումը կայացվել է Անկարայի Ինջեք շրջանում 90 հեկտար տարածքի վերակառուցման ծրագրի շուրջ տարիներ շարունակ տեղի ունեցած իրավական և վարչական վեճերից հետո։
