Ադրբեջանի արտաքին գործերի նախարարը Ջեյհուն Բայրամովը Բաքվում հանդիպել է Չեռնոգորիայի փոխվարչապետ և արտաքին գործերի նախարար Էրվին Իբրահիմովիչի հետ։
Այս մասին նշված է Ադրբեջանի ԱԳ նախարարության X-ում արված գրառման մեջ։
Նշվում է, որ Բայրամովն իր գործընկերոջը տեղեկացրել է «Ադրբեջանի և Հայաստանի միջև հարաբերությունների կարգավորման և կայուն խաղաղության ուղղությամբ գործադրվող ջանքերի մասին»։
Նախարարները քննարկել են երկկողմ հարաբերությունների ներկա վիճակը և ապագա հեռանկարները՝ ներառյալ քաղաքական երկխոսությունը, տնտեսական համագործակցությունը, հումանիտար կապերը և միջազգային հարթակներում ներգրավվածությունը։
Երկու կողմերն անդրադարձ են կատարել նաև տարածաշրջանային հարցերին։
