Գերմանացի տնտեսագետները կարծում են, որ ԵՄ-ն ոչ մի դեպքում չպետք է ակնկալի Ուկրաինայի համար նախատեսված 90 միլիարդ եվրոյի վարկի մարումը։ Այս մասին հաղորդում է Die Welt թերթը՝ հղում անելով փորձագետներին։
«Անիմաստ է ենթադրել, որ Ուկրաինան կկարողանա վարկը մարել ավելի ուշ», - հրատարակությանը ասել է Ifo տնտեսական հետազոտությունների ինստիտուտի ղեկավար Կլեմենս Ֆուեստը։
Այս առումով նա կարծում է, որ միջնաժամկետ հեռանկարում վարկի սպասարկումը պետք է իրականացվի ԵՄ բյուջեի այլ ոլորտներում ծախսերի կրճատման միջոցով։ «Եվրոպայում առաջնահերթությունները փոխվել են, և դա պետք է արտացոլվի ԵՄ բյուջեում», - նշել է Ifo-ի ղեկավարը։
Նմանատիպ կարծիք ունի նաև Մանհայմի Եվրոպական տնտեսական հետազոտությունների կենտրոնի փորձագետ Ֆրիդրիխ Հայնեմանը։ «Ցանկացած սցենարի դեպքում քիչ հավանական է, որ Ուկրաինան մարի վարկը», - նշել է նա։
