Նյու Յորքի իշխանությունները որոշել են լրացուցիչ իրավապահ մարմիններ տեղակայել՝ Սիդնեյի լողափում տեղի ունեցած ահաբեկչական հարձակումից հետո Խանուկայի տոնի ընթացքում անվտանգությունն ապահովելու համար, հայտարարել է Նյու Յորքի քաղաքապետ Էրիկ Ադամսը։
«Սարսափելի պատկերներ Ավստրալիայից, որտեղ ահաբեկիչները կրակ են բացել Խանուկայի սկիզբը նշող հրեաների վրա», - գրել է նա X-ում:
«Մենք լրացուցիչ ուժեր ենք տեղակայում՝ Խանուկայի տոնակատարությունների ժամանակ անվտանգությունն ապահովելու համար»:
Հրեական մոմերի և լույսերի տոնը՝ Խանուկան, նշվում է ութ օր, տոնակատարության սկիզբը կախված է հրեական օրացույցից: Այս տարի այն տևում է դեկտեմբերի 14-22-ը:
Խանուկայի օրը մոմեր են վառվում՝ ի հիշատակ այն հրաշքի, որը տեղի է ունեցել Երուսաղեմի Երկրորդ տաճարի բացման ժամանակ՝ մ.թ.ա. 164 թվականին Հուդա Մակաբայեցու կողմից Սելևկյան թագավոր Անտիոքոսի զորքերի նկատմամբ տարած հաղթանակից հետո:
