Մինչև 300,000 դրամ տուգանքները պետական մարմիններն այլևս չեն կարող բողոքարկել․ Սրբուհի Գալյան

13.12.2025 23:02 | Կատեգորիա Քաղաքական

Կառավարությունը հաստատել և Ազգային ժողով է ուղարկել Վարչական դատավարության օրենսգրքում փոփոխություններ կատարելու վերաբերյալ օրենսդրական փաթեթը, որը ևս մեկ քայլ է ուղղված դատարանների ծանրաբեռնվածության թոթափմանը և արդյունավետ դատավարությունների կազմակերպմանը։ Տեղեկանում ենք արդարադատության նախարար Սրբուհի Գալյանի ֆեյսբուքյան էջից։

«Փաթեթով նախատեսվում է, որ վերաքննության կարգով ներկայացված բողոքները վարչական դատարանում պետք է քննվեն գրավոր ընթացակարգով, և միայն պատճառաբանված որոշման պարագայում պետք է տեղի ունենա գործի բանավոր քննություն։

Նախատեսվում է նաև, որ վերաքննության կարգով ներկայացված բողոքները պետք է ունենան քննության հստակ ժամկետ, այն է՝ 6 ամիսը, որը կարող է երկարաձգվել միայն մեկ անգամ՝ 4 ամիս ժամկետով։

Սիրելի՛ քաղաքացիներ, հստակ գիտակցելով, որ ունենք մի շարք խնդիրներ կապված պետական մարմինների և տեղական ինքնակառավարման մարմինների կողմից իրականացվող վարչարարության որակի հետ, նախատեսել ենք վարչական մարմինների՝ վերաքննիչ բողոք ներկայացնելու իրավունքի սահմանափակում՝ մինչև 300,000 ՀՀ դրամ տուգանք պարունակող վարչական ակտերի պարագայում։ Այսինքն՝ պետական և տեղական ինքնակառավարման մարմիններն այլևս հնարավորություն չեն ունենա ներկայացնել վերաքննիչ բողոք այն դեպքում, երբ իրենց կողմից կայացված վարչական ակտով սահմանված տուգանքի գինը չի գերազանցում 300,000 ՀՀ դրամը։

Այս փոփոխությունը մի կողմից, ինչպես արդեն նշեցի, կնպաստի դատարանների ծանրաբեռնվածության թոթափմանը և քաղաքացիների համար մատչելի արդարադատության իրականացման իրավունքի ապահովմանը, իսկ մյուս կողմից՝ կհրավիրի վարչարարություն իրականացնող մարմինների ուշադրությունը պատշաճ վարչարարության իրականացման վրա՝ ավելացնելով նրանց զգոնության աստիճանը»,-նշել է նա։

Ամենաշատ կարդացվածներ

Michelin-ի գաղտնի տեսուչները Հայաստանում․ ո՞վ կարող է արժանանալ առաջին աստղին

10.10.2026 15:03 | Կատեգորիա Հասարակություն

Երկրի վրա մագնիսական փոթորիկ է սկսվել

10.10.2026 23:10 | Կատեգորիա Ժամանց

ՊՆ զորամասում զինծառայողի դի է հայտնաբերվել՝ հրազենային վնասվածքով

10.10.2026 13:53 | Կատեգորիա Հասարակություն

ՀԱՐՑՈՒՄ․ Շաքիի միջադեպը՝ սահմանապահների անպատասխանատվության հետևա՞նք․ ինչ են ասում քաղաքացիները

09.10.2026 13:42 | Կատեգորիա Քաղաքական

Ֆրանսիան հետաքննում է Thales-ի հնարավոր կոռուպցիոն գործարքները Ադրբեջանում

10.10.2026 22:16 | Կատեգորիա Համաշխարհային

800-900 մլն դրամ է հատկացվել Երևանի տոնի միջոցառումներին․ նոր փոփոխություններ են սպասվում Երևանում

10.10.2026 21:44 | Կատեգորիա Մամուլ

Սահակաշվիլին 2008 թվականի պատերազմը անվանել է Ռուսաստանի «աղետալի պարտություն»

11.10.2026 00:44 | Կատեգորիա Համաշխարհային

Մեծի Տանն Կիլիկո կաթողիկոսությունը և «Նարեկացի» հայագիտական ինստիտուտը կհամագործակցեն

09.10.2026 11:30 | Կատեգորիա Հասարակություն

Զելենսկին Պուտինին պայման է առաջադրել՝ Ուկրաինայում ընտրություններ անցկացնելու համար

11.10.2026 20:26 | Կատեգորիա Համաշխարհային

ՈՒՂԻՂ