Անդրանիկ Քոչարյանի մասին որևէ հարց ՔՊ-ի օրակարգում չկա։
Այս մասին լրագրողների հետ զրույցում ասաց ՔՊ խմբակցության ղեկավար Հայկ Կոնջորյանը՝ անդրադառնալով ՔՊ-ական մի շարք պատգամավորների կողմից՝ Պաշտպանության հանձնաժողովի նախագահի պաշտոնից Անդրանիկ Քոչարյանին հեռացնելու հարց բարձրացնելու մասին լուրերին։
«Նման օրակարգ չկա, նման հարց երբևէ չի քննարկվել»,- ասաց Կոնջորյանը։Ինչ վերաբերում է ՀՀ ԱՆ նախարարի ընտրության հարցին, ապա Կոնջորյանը նշեց, որ այսօր վարչության նիստ է լինելու, եթե արդյունք լինի, ապա ՔՊ վարչությունից լիազորված իր գործընկերները կհայտնեն։
Հարցին՝ արդյոք կադրային բազա չկա, Կոնջորյանը նշեց, որ կադրային բազա կա, պարզապես՝ վարչությունն այն ստանդարտները, որ դրվել է, դեռ այդ համատեքստում ընտրություն չի արվել, բացի այդ, կան գործընկերներ, որոնք այս պահին ներգրավված են այլ պաշտոններում։
«ՔՊ-ում թևեր չկան, կա Նիկոլ Փաշինյանի թև, մնացածը մամուլի մեկնաբանություն է»,- ասաց նա։
Աղբյուր` Փաստինֆո
