Գալիք ձմեռը Ուկրաինայի համար լինելու է ամենադժվարը, Բրյուսելում ԵՄ արտաքին գործերի նախարարների հանդիպմանը ժամանելուն պես լրագրողներին ասել է Գերմանիայի արտաքին գործերի նախարար Յոհան Վադեֆուլը։
«Մենք կրկին հավաքվում ենք այստեղ վճռորոշ պահին։ Բոլորը գիտեն, որ Ուկրաինայի առջև ծառացած ձմեռը ամենադժվարն է լինելու»,-ասել է նա։
Գերմանացի նախարարը կրկին հայտարարել է, որ Բեռլինը կշարունակի աջակցել Կիևին և հիշեցրել է Գերմանիայից ֆինանսական օգնության 3 միլիարդ եվրոյով ավելացման մասին 2026 թվականին։
«Ընդհանուր առմամբ, այն կկազմի 12 միլիարդ եվրո», - պարզաբանել է Վադեֆուլը։
