Առողջապահության համաշխարհային կազմակերպությունը (ԱՀԿ) 1282 աշխատակցի կկրճատի բյուջեի կրճատման պատճառով։ Այս մասին հայտարարել է գլխավոր տնօրեն Թեդրոս Ադհանոմ Գեբրեյեսուսը՝ հույս հայտնելով ԱՀԿ անդամ պետությունների աջակցության վերաբերյալ՝ 2026-2027 թվականներին 1 միլիարդ դոլարի դեֆիցիտը ծածկելու համար միջոցներ գտնելու հարցում։
ԱՀԿ անդամ պետությունների ներկայացուցիչների համար կազմակերպված ճեպազրույցի ժամանակ Գեբրեյեսուսը նշել է, որ 2026-2027 թվականների կրճատված բյուջեի ընդունմամբ պայմանավորված վերակազմակերպման գործընթացը «գրեթե ավարտված է» և «մնում է վերջին քայլը»՝ կապված պաշտոնների վերաբաշխման հետ։
«Այս գործընթացի ընթացքում մեր նպատակն է եղել պահպանել կազմակերպության հիմնական գործառույթները և համապատասխանեցնել մեր ֆինանսական ու մարդկային ռեսուրսները այդ գործառույթներին՝ միաժամանակ հնարավորինս նվազագույնի հասցնելով կրճատումները», - ասել է նա՝ հավելելով.
«Եթե մենք չկիրառեինք այս մոտեցումը, մեր գնահատականներով՝ ստիպված կլինեինք ամբողջ աշխարհում կրճատել մոտավորապես 2900 աշխատակցի»։ Դրա փոխարեն մենք «կարողացանք կրճատել աշխատատեղերի կրճատումների թիվը մինչև 1282»։
