Վիգինում հակազդեցության գործակալության ֆրանսիացի մասնագետները աշխատել են Մոլդովայում խորհրդարանական և նախագահական ընտրությունների ժամանակ։ Այս մասին հայտարարել է Ֆրանսիայի նախագահ Էմանուել Մակրոնը La Voix du Nord տարածաշրջանային թերթի ընթերցողների հետ հանդիպման ժամանակ։
«Մենք Վիգինումի թիմեր ուղարկեցինք Մոլդովա, որտեղ անցկացվեցին ընտրություններ՝ սկզբում նախագահական, ապա խորհրդարանական», - ասել է Մակրոնը։
Նրա խոսքով՝ դրա պատճառը ամենօրյա որոշակի «ռուսական հարձակումներն» էին։
Նույն համատեքստում նա հիշատակել է նաև Ռումինիայում կայացած նախագահական ընտրությունները, որտեղ թեկնածուներից մեկը որակազրկվել է, իսկ առաջին փուլի արդյունքները չեղյալ են հայտարարվել ընտրարշավին արտաքին միջամտության կասկածների պատճառով։
Այնուհետև Մակրոնը մանրամասն նկարագրել է, թե ինչպես են ռուսները, ենթադրաբար, նպաստել Կենտրոնական Աֆրիկյան Հանրապետության (ԿԱՀ) ընտրություններում թեկնածուներից մեկի վարկանիշի բարձրացմանը՝ սոցիալական ցանցերում գովազդի միջոցով։
