Կիևը ստիպված կլինի զգալի զիջումների գնալ Ուկրաինայում հակամարտությունը դադարեցնելու ԱՄՆ նոր խաղաղության ծրագրի շրջանակներում, հաղորդում է ամերիկյան Politico հրատարակությունը՝ հղում անելով իր աղբյուրներին։
Թերթի տվյալներով՝ բանակցությունները վերաբերում են Ուկրաինայի ռազմական հզորության սահմանափակմանը, ինչպես նաև Կիևի կողմից տարածքային զիջումներին։
«Wall Street Journal»-ը (WSJ), հղում անելով աղբյուրներին, երեկ հաղորդել է, որ Ուկրաինայի վերաբերյալ ԱՄՆ ծրագիրը նախատեսում է, որ Կիևը առնվազն մի քանի տարի ձեռնպահ մնա ՆԱՏՕ-ին անդամակցելուց։
Ինչպես չորեքշաբթի օրը ՏԱՍՍ-ին տված հարցազրույցում հայտարարել է Ռուսաստանի արտաքին գործերի նախարարության խոսնակ Մարիա Զախարովան, Ռուսաստանը պաշտոնական խողովակներով ԱՄՆ-ից տեղեկատվություն չի ստացել Ուկրաինայի վերաբերյալ լրատվամիջոցներում հաղորդվող որոշակի «համաձայնությունների» վերաբերյալ։
