Իսրայելի ու «Համասի» ղեկավարները մեղադրվում են պատերազմական հանցագործությունների մեջ

24.05 00:20 | Կատեգորիա Համաշխարհային

«Ամերիկայի ձայնը» գրում է․ Միջազգային քրեական դատարանի դատախազ Քարիմ Խանի հայտարարությունը, թե պահանջում է ձերբակալել «Համասի» ու Իսրայելի ղեկավարներին, սուր արձագանք է ստացել:Իսրայելի վարչապետ Բենիամին Նեթանյահուն դատապարտել է Խանին․ «Պարոն Խանը խեղաթյուրված և կեղծ հավասարություն է դնում Իսրայելի առաջնորդների և «Համասի» խամաճիկների միջև: Սա նման է նրան, որ [2001 թվականի] սեպտեմբերի 11-ից հետո [ԱՄՆ] նախագահ Ջորջ Բուշի և Ուսամա Բին Լադենի միջև, կամ Երկրորդ աշխարհամարտի ժամանակ Ֆրանկլին Ռուզվելտի ու Հիտլերի միջև հավասարություն դրվեր»։Միջազգային քրեական դատարանի դատախազը մեղադրել է Նեթանյահուին և Իսրայելի պաշտպանության նախարար Յոավ Գալանտին ռազմական ու մարդկության դեմ գործած հանցագործությունների մեջ, այդ թվում՝ սովը որպես պատերազմի զենք կիրառելու համար։Իսրայելը նշված դատարանի անդամ չէ, ուստի, եթե Նեթանյահուին կալանավորելու որոշում կայացվի, Իսրայելի վարչապետն ու պաշտպանության նախարարը հարազատ երկրում հետապնդման չեն ենթարկվի: Բայց նման վճիռը կարող է խանգարել նրանց արտասահմանյան այցերին:Իսրայելցի իրավաբանները վիճարկում են Միջազգային քրեական դատարանի իրավասությունը՝ նման որոշում կայացնել, թե նման վճիռ չի կարող կայացվել ժողովրդավարական երկրների ղեկավարների դեմ, ուր առկա է անկախ դատական համակարգ։Անն Հերցբերգն ասում է․ «Դատարանը պետք է կիրառի այդ իրավասությունը միայն այն դեպքերում, երբ երկրները չեն ցանկանում կամ չեն կարողանում հետաքննել պատերազմական հանցագործությունները կամ մարդկության դեմ գործած հանցագործությունները։ Իսրայելն ունի ամուր հետաքննական համակարգ բանակում, քաղաքացիական արդարադատություն, [անկախ] դատական համակարգ»:Պաղեստինյան կողմում ևս դատապարտում են Միջազգային քրեական դատարանի դատախազի խոսքերը։ Քարիմ Խանը պահանջում է ձերբակալության կարգադրություն իջեցնել «Համասի» քաղաքական առաջնորդ Իսմայիլ Հանիյայի և կազմակերպության երկու այլ ղեկավարների վերաբերյալ:

Ամենաշատ կարդացվածներ

ՏիկՏոկի փոքրիկ հերոսը լքեց աշխարհը. Փրեսթոն Օրդոնեի կորստով սգում է ողջ համացանցը (լուսանկար)

29.04 23:28 | Կատեգորիա Ժամանց

4 ամսական երեխային մահացած հայտնաբերելու դեպքի առթիվ քրեական վարույթ է նախաձեռնվել սպանության հատկանիշներով

30.04 00:07 | Կատեգորիա Պատահարներ

Չի բացառվում, որ Նիկոլի ու Քոչարյանի միջև որպես չարյաց փոքրագույն ընտրեն Քոչարյանին․ Զուրաբյան (տեսանյութ)

29.04 22:37 | Կատեգորիա Քաղաքական

70-ն անց կնոջ հետ այդպես վարվելը լկտիություն է․ Ալեքսանյանը՝ մոր հետ տեղի ունեցած միջադեպի մասին (տեսանյութ)

30.04 23:44 | Կատեգորիա Քաղաքական

Հայտնաբերվել է որպես անհետ կորած որոնվող 50-ամյա տղամարդու դին

29.04 23:51 | Կատեգորիա Պատահարներ

Ավինյանը կանաչ լույս վառեց այդ թաղապետի համար. Սամվել Հակոբյան (տեսանյութ)

30.04 22:00 | Կատեգորիա Քաղաքական

Նույնիսկ բոլոր ընդդիմադիր պատգամավորները չեն ստորագրի Սուրեն Սուրենյանցը՝ իմպիչմենտի մասին (տեսանյութ)

30.04 00:55 | Կատեգորիա Քաղաքական

Այո՛, պատրաստվում ենք «Արսենալի» ստանդարտներին․ Էնրիկե

29.04 23:47 | Կատեգորիա Սպորտ

Պուտինի հետ ավելի հեշտ է գործ ունենալ, քան Զելենսկու․ Թրամփ

30.04 00:49 | Կատեգորիա ԱՄՆ

ՈՒՂԻՂ